Psa 126 | JAE | STEP | Gêdêŋ taŋ Apômtau gêjam Sionnê gêŋwapac ôkwi naŋ, aêac asaê amboac aêc mêgeŋ.

Psalms 126

PESALEM 126

Sêjam daŋge kêtu Anôtô gêjac êsêac sa kêtiamŋa

1 Gêdêŋ taŋ Apômtau gêjam Sionnê gêŋwapac ôkwi naŋ,
aêac asaê amboac aêc mêgeŋ.
2 Gêdêŋ tonaŋ aêac gêdôŋ ômac-ômacgeŋ
ma imbeleŋ toôndugeŋ.
3 Biŋŋanô, Apômtau gêgôm gêŋsêga kêtu aêacŋa.
Aêac ôliŋ kêpi ŋanô.

4 O Apômtau, ônam aêacma gêŋwapac ôkwi,
amboac kom kêkêŋ bu kêsa ŋamaŋ kêtiam aŋga gamêŋ mula-mŋa.
5 Lau taŋ sêsê gêŋ tomateŋsulu naŋ,
oc sêkôc ŋanô sa toôndugeŋ.

6 Ŋac taŋ kêbic mowê tomatasulugeŋ gêja gebe êsê naŋ,
oc êmu êmêŋ tomolêpoaŋ ma totêtac ŋajamgeŋ.